हरिः ओम्

Sloka Text in Telugu , Kannada, Gujarati, Devanagari, English

સુંદરકાંડ.
અથ દ્વિપંચાશસ્સર્ગઃ||

તસ્ય તદ્વચનં શ્રુત્વા વાનરસ્ય મહાત્મનઃ|
આજ્ઞાપયત્ વધં તસ્ય રાવણઃ ક્રોથમૂર્ચિતઃ||1||

વધે તસ્ય સમાજ્ઞપ્તે રાવણેન દુરાત્મના|
નિવેદિતવતો દૌત્યં નાનુમેને વિભીષણઃ||2||

તં રક્ષોધિપતિં ક્રુદ્ધં તચ્ચ કાર્યમુપસ્થિતમ્|
વિદિત્વા ચિંતયામાસ કાર્યં કાર્યવિધૌ સ્થિતઃ||3||

નિશ્ચિતાર્થઃ તતઃ સામ્ના પૂજ્ય શત્રુજિદગ્રજમ્|
ઉવાચ હિત મત્યર્થં વાક્યં વાક્ય વિશારદઃ||4||

ક્ષમસ્વ રોષં ત્યજરાક્ષસેંદ્ર
પ્રસીદમદ્વાક્ય મિદં શ્રુણુષ્વ|
વધં ન કુર્વંતિ પરાવરજ્ઞાઃ
દૂતસ્ય સંતો વસુધાધિપેન્દ્રાઃ||5||

રાજધર્મવિરુદ્ધં ચ લોકવૃત્તૈશ્ચ વિગર્હિતમ્|
તવ ચાસદૃશં વીર કપે રસ્ય પ્રમાપણમ્||6||

ધર્મજ્ઞશ્ચ કૃતજ્ઞશ્ચ રાજધર્મ વિશારદઃ|
પરાવરજ્ઞો ભૂતાનાં ત્વ મેવ પરમાર્થવિત્||7||

ગૃહ્યન્તે યદિ રોષેણ ત્વાદૃશોऽપિ વિપશ્ચિતઃ|
તતઃ શાસ્ત્રવિપશ્ચિત્ત્વં શ્રમ એવ હિ કેવલમ્||8||

તસ્માત્ પ્રસીદ શત્રુઘ્ન રાક્ષસેન્દ્ર દુરાસદ|
યુક્તાયુક્તં વિનિશ્ચિત્ય દૂત દણ્ડો વિધીયતામ્||9||

વિભીષણવચઃ શ્રુત્વા રાવણો રાક્ષસેશ્વરઃ|
રોષેણ મહતાssવિષ્ટો વાક્ય મુત્તરમબ્રવીત્||10||

ન પાપાનાં વધે પાપં વિદ્યતે શત્રુસૂદન|
તસ્માદેવં વધિષ્યામિ વાનરં પાપચારિણમ્||11||

અધર્મમૂલં બહુદોષયુક્તં
અનાર્યજુષ્ટં વચનમ્ નિશમ્ય|
ઉવાચ વાક્યં પરમાર્થતત્ત્વમ્
વિભીષણો બુદ્ધિમતાં વરિષ્ઠ||12||

પ્રસીદ લંકેશ્વર રાક્ષસેન્દ્ર
ધર્માર્થ યુક્તં વચનં શ્રુણુષ્વ|
દૂતાન્ અવધ્યાન્ સમયેષુ રાજન્
સર્વેષુ સર્વત્ર વદન્તિ સન્તઃ||13||

અસંશયં શત્રુરયં પ્રવૃદ્ધઃ
કૃતં હ્યને નાપ્રિય મપ્રમેયમ્|
ન દૂતવધ્યાં પ્રવદન્તિ સંતો
દૂતસ્ય દૃષ્ટા બહવો હિ દણ્ડાઃ||14||

વૈરૂપ્યમંગેષુ કશાભિઘાતો
મૌણ્ડ્યં તથા લક્ષણ સન્નિપાતઃ|
એતાન્ હિ દૂતે પ્રવદન્તિ દણ્ડાન્
વધસ્તુ દૂતસ્ય ન નઃ શ્રુતોऽપિ||15||

કથં ચ ધર્માર્થવીનીતબુદ્ધિઃ
પરાવરપ્રત્યયનિશ્ચિતાર્થઃ|
ભવદ્વિધઃ કોપવશે હિ તિષ્ઠત્
કોપન્ નિયચ્છન્તિ હિ સત્ત્વવન્તઃ||16||

ન ધર્મવેદે ન ચ લોકવૃત્તે
ન શાસ્ત્રબુદ્ધિ ગ્રહણેષુ ચાપિ|
વિદ્યેત કશ્ચિત્તવ વીર તુલ્યઃ
ત્વં હ્યુત્તમઃ સર્વ સુરાસુરાણામ્||17||

ન ચાપ્યસ્ય કપેર્ઘાતે કંચિત્પશ્યામ્યહં ગુણમ્|
તે ષ્વયં પાત્યતાં દણ્ડોયૈરયં પ્રેષિતઃ કપિઃ||18||

સાધુર્વાયદિ વાsસાધુઃ પરૈરેષ સમર્પિતઃ|
બ્રુવન્પરાર્થં પરવાન્ ન દૂતો વધ મર્હતિ||19||

અપિચાસ્મિન્હતે રાજન્ નાન્યં પશ્યામિ ખેચરમ્|
ઇહ યઃ પુનરાગચ્છેત્ પરં પારં મહોદધેઃ||20||

તસ્માન્નાસ્ય વધે યત્નઃ કાર્યઃ પરપુરંજયઃ|
ભવાન્ સેંદ્રેષુ દેવેષુ યત્ન માસ્થાતુ મર્હતિ||21||

અસ્મિન્વિશિષ્ટે ન હિ દૂત મન્યં
પશ્યામિ યસ્તૌ રાજપુત્ત્રૌ|
યુદ્ધાય યુદ્ધપ્રિયાય દુર્વિનીતા
વુદ્યોજયે દીર્ઘપથાવરુદ્ધૌ||22||

પરાક્રમોત્સાહ મનસ્વિનાં ચ
સુરાસુરાણામપિ દુર્જયેવ|
ત્વયા મનો નન્દન નૈરૃતાનામ્
યુદ્ધાયતિર્નાશયિતું ન યુક્તા||23||

હિતાશ્ચ શૂરાશ્ચ સમાહિતાશ્ચ
કુલેષુ જાતાશ્ચ મહાગુણેષુ|
મનસ્વિનઃ શસ્ત્રભૃતાં વરિષ્ટાઃ
કોટ્યગ્રતસ્તે સુભૃતાશ્ચ યોધાઃ||24||

ત દેક દેશેન બલસ્ય તાવત્
કેચિત્તવાsદેશકૃતોsભિયાસ્તુ|
તૌ રાજપુત્ત્રૌ વિનિગૃહ્ય મૂઢૌ
પરેષુ તે ભાવયિતું પ્રભાવમ્||25||

નિશાચરણામધિપોऽનુજસ્ય
વિભીષણસ્યોત્તમ વાક્યમિષ્ટમ્|
જગ્રાહ બુદ્દ્યા સુરલોકશત્રુ
ર્મહાબલો રાક્ષસરાજમુખ્યઃ||26||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુંદરકાંડે દ્વિપંચાશસ્સર્ગઃ ||

||ઓમ્ તત્ સત્||

|| Om tat sat ||